Sentralitetsindeks
Statistisk sentralbyrå har ein eigen indeks for sentralitet. Sentralitetsindeksen er ein kode med ein utrekna verdi for kvar einskild kommune, som er eit mål for kommunen sin sentralitet. Berekninga avsentralitetsindeksen er basert på reisetid til arbeidsplassar og servicefunksjonar frå alle bebudde grunnkretsar. Kommunar (356) er underinndelte i om lag 13.500 grunnkretsar som dette systemet bygger på.
Indeksen er sett saman av to del-indekser basert på:
- Antal arbeidsplassar dei som bur i den enkelte grunnkrets kan nå med bil i løpet av 90 minuttar.
- Kor mange ulike typar av servicefunksjonar (varer og tenester) dei som bur i den enkelte grunnkrets kan nå med bil i løpet av 90 minuttar.
Antalet vert vekta, slik at ein arbeidsplass eller servicefunksjon som ligg nær bustaden tel meir enn ein som ligg lenger vekke. Tanken er at avstand har ein kostnad, eller at det ligg ein hemsko i avstand.
Den nye indeksen har verdiar frå 0 (berre teoretisk mogeleg) til 1000 langs ein kontinuerleg skala. Desse verdiane blir gruppert til seks grupper, der andel innbyggarar i kvar gruppe er eit viktig kriterium for klassifiseringa.
Kjelde: SSB
