Barn og unge med langvarige og samansette behov
Barn og unge med langvarige og samansette behov er ei av dei prioriterte gruppene for helsefellesskapa i Noreg. Gruppa omfattar barn og unge som har behov for samtidige og koordinerte tenester frå fleire sektorar over tid. Dette kan gjelde både fysiske, psykiske og sosiale utfordringar som påverkar kvardagsliv, utvikling og deltaking. I 2022 utgjorde denne gruppa omtrent 8 % av alle mellom 0 og 20 år i Norge [1].
Definisjon av utval
I samarbeid med Folkehelseinstituttet er følgjande kriteria utarbeidd og nytta for barn og unge med langvarige og samansette behov:
Barn og unge som har nytta éi eller fleire av følgjande tenester i løpet av same kalenderår:
ICD-10-diagnosar (hovud- eller bidiagnose) ved somatiske sjukehus, psykisk helsevern for vaksne eller barne- og ungdomspsykiatri (BUP):
- Medfødte syndrom (Q00-07, Q850, Q851, Q860, Q90-99)
- Nevrologiske lidingar (G11-12, G30-32, G40, G70-73, G80-83, G93)
- Kreft (C00-99, D00-48)
- Revmatologiske sjukdomar (M05-M09)
- Inflammatorisk tarmsjukdom (K50-52)
- Organtransplantasjon (Z94)
- Primær immunsvikt (D80-D84)
- Kronisk lever-/nyresjukdom (K72-K76, N00-N08, N10-19)
- Kronisk luftvegssjukdom (Q30-34, J44-47)
- Diabetes (E10-14)
- Kronisk hjertesjukdom (Q20-28, I30-52)
- Metabolske sjukdomar (E00-07, E70-90)
- Fedme (E66)
- Hjerneinfarkt (I60-69)
- Hovudskade (S06, T90)
- Psykisk utviklingshemming (F70-79)
- Alvorlege psykiske lidingar (F20, F22-29, F30-33, F60-69)
- Gjennomgripande utviklingsforstyrring (F84)
- Eteforstyrringar (R63.0, F50)
- Mottatt habiliteringstenester (fagområde 233 eller 234)
Hatt minst eit døgnopphald eller 20 eller fleire dagbehandlingar/polikliniske konsultasjonar i psykisk helsevern (PHV/BUP).
Mottatt ei av følgjande tenester i kommunale helse- og omsorgstenester:
- Praktisk bistand (tenestetype 1-3)
- Dagaktivitetstilbod (tenestetype 4)
- Avlasting (tenestetype 7, 8)
- Omsorgsstønad (tenestetype 11)
- Tvang i systematiske tiltak (tenestetype 14)
- Heime helseteneste (tenestetype 15)
- Dagopphald i institusjon (tenestetype 17)
- Tidsavgrensa opphald (tenestetype 18, 19, 20)
- Langtidsopphald i institusjon (tenestetype 21)
- Nattopphald i institusjon (tenestetype 22)
- Skadeavvergande tiltak i naudsituasjonar (tenestetype 23)
- Helsehjelp med tvang (tenestetype 24)
- Bustad som kommunen disponerer for helse- og omsorgsføremål (tjenestetype 29)
- Personen har fått oppnemnt koordinator eller hatt individuell plan (IP).
Definisjon av indikatorar
Indikatorane viser pasientar i gruppa «Barn og unge med langvarige og samansette behov», som har fått tilbod om kommunale helse- og omsorgstenester i heile eller delar av kalenderåret. Kommunalt pasient- og brukarregister (KPR) inneheld totalt 22 ulike tenesteytingar. For å kunne vise robuste tal for flest mogleg kommunar har Samhandlingsbarometeret gruppert desse tenestene basert på to hovudkriterium; (1) volum av tenestebruk og (2) klinisk samhøyrsle mellom tenestene. Tenestegruppene gir slik ei oversikt over den samla bruken av ulike beslekta tenester i kommunen. Tenester med lite volum i pasientgruppa, og som ikkje naturleg høyrer saman med andre kommunale tenester, er ikkje publisert men inngår i det samla volumet av kommunale tenesteytingar («Alle tilgjengelege kommunale omsorgstenester»). For barn og unge med langvarige og samansette behov er tenestene gruppert som følgjer:
Heime- og kvardagsstøtte:
- Helsetenester i heimen
- Praktisk bistand - daglege gjeremål
- Praktisk bistand - opplæring - daglege gjeremål
- Praktisk bistand - brukarstyrt - personleg assistanse
- Støttekontakt
- Dagaktivitetstilbod
- Avlasting utanfor institusjon
- Omsorgsstønad
Måltal
Indikatoren viser
- Tal pasientar (pasientgruppe)
- Tal pasientar med minst ei teneste (pasientar med teneste)
- Prosentdel med teneste av det totale talet på pasientar (andel)
Utvikling av prosentdel med teneste over tid frå 2019-2025 vert presentert i eigne forløpskurver.
Metodiske avklaringar
Variabelen omfattar ikkje éi spesifikk gruppe barn og unge, men fleire ulike grupper med varierte behov for helse- og omsorgstenester og føreset god samhandling mellom tenestenivåa.
- Personar registrert i fleire kommunar i same år, blir tilordna den kommunen der siste helsekontakt er registrert, for å unngå dobbeltføring.
- Personar med ugyldig kommune nummer er ekskluderte.
- På kommunenivå blir det ikkje publisert tal for grupper med færre enn fem personar. Dei vert likevel summert på høgare aggregert nivå og små avvik kan førekomme på grunn av anonymiseringsteknikk.
- Alle rader frå tabellen "Enkeltregning" i KPR-data som er knytt til pasient i det aktuelle året er med. Kun filtrering på "Tjenestetype" fastlege og/eller legevakt.
- Tal for enkelte tenestegrupper bør tolkast i samanheng med tal for andre tenester og tal pasientar. Til dømes vil tal/andel brukarar av langvarige bustadtilbod vere styrande for tal/andel med heimebaserte tenester.
Datakjelder
- Norsk pasientregister (NPR)
- Kommunalt pasient- og brukerregister (KPR)
Samhandlingsbarometeret baserer si analyse på pasientliste for barn og unge med langvarige samensette behov frå Folkehelseinstituttet.
Referansar
[1] Styringsinformasjon til helsefellesskapene. Del II. Helsedirektoratet 2022.