Utanforskap - vaksne 20-66 år

Vaksne som står utanfor arbeid, utdanning eller arbeidsmarknadstiltak har høgare risiko for både fysisk og psykisk uhelse. Arbeid gir økonomisk tryggleik, sosial deltaking og struktur i kvardagen, og manglande arbeidsdeltaking aukar sannsynet for isolasjon og redusert livskvalitet (Helsedirektoratet). Sosiale helseforskjellar i denne gruppa er tydelege: personar med lågare inntekt og kortare utdanning har større risiko for varig utanforskap og helseproblem (FHI). Indikatoren er derfor sentral for å forstå samansette utfordringar som krev tverrsektoriell innsats mellom NAV, helsetenesta og utdanningssektoren.

Definisjon

Indikatoren omfattar busette i alderen 20–66 år som ikkje:

- er sysselsette

- er under ordinær utdanning

- deltek på arbeidsmarknadstiltak

Denne gruppa blir internasjonalt omtalt som NEET (Not in Education, Employment or Training). Personar som ikkje er i arbeid, utdanning eller tiltak, blir kategoriserte som NEET basert på ein prioritert status, som omfattar:

- registrerte arbeidsledige

- mottakarar av arbeidsavklaringspengar

- mottakarar av uføretrygd

- mottakarar av AFP

- mottakarar av alderspensjon

Måltal

Indikatoren viser andel (%) i alderen 20–66 år per 1000 innbyggjarar som står utanfor arbeid, utdanning og arbeidsretta tiltak.

Datakjelder

Statistisk sentralbyrå (SSB)

Statistikk frå SSB om arbeidsstyrkestatus (inkludert NEET), tabell 13563. Befolkningstal er fra SSB tabell 07459